Zoledrónsýra

Aclasta

Reclast

Innrennsli

Hvernig virkar lyfið

Zoledronsýra er öflugt bisfosfónatlyf sem verkar með því að draga úr niðurbroti beina og styrkja beinbyggingu. Meðferðin getur hjálpað til við að viðhalda beinþéttni og minnka líkur á beinbrotum til lengri tíma.

Lyfjagjöf

Gefið sem innrennsli í bláæð, 5 mg, á að minnsta kosti 20–30 mínútum

Hafa skal í huga

Nýrnastarfsemi þarf að vera nægilega góð (kreatínínhreinsun ≥ 35 ml/mín).
Útiloka þarf kalk- og D-vítamínskort áður en meðferð hefst
.Mikilvægt er að drekka vel daginn sem innrennslið er gefið og daginn eftir.
Gildi D-vítamíns ætti að vera 50–75 nmol/L.
Heildarinntaka kalks ætti að vera um 800 mg á dag.
Útiloka þarf fyrirfram að fyrirhugaðar séu tannaðgerðir.

Notkun

Lyfið er gefið sem innrennsli í bláæð af heilbrigðisstarfsfólki

Aukaverkanir

20–30% fá flensulík einkenni innan 3 daga:

Bein- og vöðvaverkir
Kuldahrollur
Hiti
Þreyta
Höfuðverkur
Einkenni ganga yfirleitt til baka innan 2–3 daga.

Mikilvægt

Lyfið er gefið einu sinni á ári, yfirleitt í 3 ár, og síðan endurmetið.
Mælt er með að taka 1 g af parasetamóli sama kvöld og innrennslið er gefið og 1 g næsta morgun.
Engin frábending er gegn því að aka bíl eftir innrennslið.
Borða og drekka má eins og venjulega.