Um okkur

Um Beinheilsu.is

Fræðsla sem styður fólk í að skilja, vernda og efla eigin beinheilsu

Um vefinn

Ég heiti Sigríður Björnsdóttir og er innkirtla- og efnaskiptalæknir í Heilsuklasanum. Í starfi mínu hef ég unnið með fjölda sjúklinga með beinþynningu og séð hversu mikilvægt er að fólk hafi aðgang að skýrri, áreiðanlegri og aðgengilegri fræðslu.

Eftir margra ára reynslu varð mér ljóst að skortur var á heildstæðri fræðslu um beinheilsu á íslensku, aðgengilegri bæði almenningi og heilbrigðisstarfsfólki. Af þeirri þörf varð til beinheilsa.is – vefur sem sameinar helstu upplýsingar um beinheilsu, forvarnir og meðferð á einum stað.

Markmið síðunnar er að gera fræðslu aðgengilega, styðja við heilsueflingu og forvarnir og styrkja einstaklinga til að taka virkan þátt í eigin heilbrigði. Til að tryggja faglegt og áreiðanlegt efni hef ég unnið með sérfræðingum á sviði hreyfingar, næringar, textagerðar og tæknimála.

Efnið á síðunni er uppfært reglulega í takt við nýjustu þekkingu. Vonandi nýtist hún sem flestum.